aise chup rah ke faeda kya hai

aise chup rah ke fā.eda kyā hai

kuchh to kahiye ki mājrā kyā hai

un se shikva hai kyā gilā kyā hai

jo nahīñ jānte vafā kyā hai

jab na armāñ na aarzū koī

dil bachā bhī to phir bachā kyā hai

ab to āñkhoñ meñ aa ga.e aañsū

ab kisī se Dhakā-chhupā kyā hai

kis kī manzil hai is ḳharābe meñ

dil-e-nādāñ tū DhūñDhtā kyā hai

aa.ina dekh lo batā degā

sach hai kitnā muġhālta kyā hai

ek chehra hai aañkh meñ har-dam

dil se pūchheñ mo.āmla kyā hai

ye bhī 'ġhālib' kā faiz hai 'kāvish'

maiñ ne jo kuchh kahā kahā kyā hai

aise chup rah ke faeda kya hai

kuchh to kahiye ki majra kya hai

un se shikwa hai kya gila kya hai

jo nahin jaante wafa kya hai

jab na arman na aarzu koi

dil bacha bhi to phir bacha kya hai

ab to aankhon mein aa gae aansu

ab kisi se Dhaka-chhupa kya hai

kis ki manzil hai is KHarabe mein

dil-e-nadan tu DhunDhta kya hai

aaina dekh lo bata dega

sach hai kitna mughaalta kya hai

ek chehra hai aankh mein har-dam

dil se puchhen moamla kya hai

ye bhi 'ghaalib' ka faiz hai 'kawish'

main ne jo kuchh kaha kaha kya hai