aise gum-sum wo sochte kya the

aise gum-sum vo sochte kyā the

jaane yāroñ ke faisle kyā the

ham to yuuñ hī ruke rahe varna

apne aage vo fāsle kyā the

bojh dil kā utārnā thā zarā

varna tum se hameñ gile kyā the

sahrā sahrā liye phire ham ko

vo junūñ ke bhī silsile kyā the

duur tak thī na gar koī manzil

phir vo ujle nishān se kyā the

ham hī the jo yaqīn kar baiThe

varna un ke vo mo.ajize kyā the

sar-phire the ki masḳhare yaaro

jo hameñ yuuñ liye phire kyā the

aise gum-sum wo sochte kya the

jaane yaron ke faisle kya the

hum to yun hi ruke rahe warna

apne aage wo fasle kya the

bojh dil ka utarna tha zara

warna tum se hamein gile kya the

sahra sahra liye phire hum ko

wo junun ke bhi silsile kya the

dur tak thi na gar koi manzil

phir wo ujle nishan se kya the

hum hi the jo yaqin kar baiThe

warna un ke wo moajize kya the

sar-phire the ki masKHare yaro

jo hamein yun liye phire kya the