aise kuchh log bhi miTTi pe utare jaen

aise kuchh log bhī miTTī pe utāre jaa.eñ

dekh kar jin ko ḳhad-o-ḳhāl sañvāre jaa.eñ

ek hī vasl kī tāsīr rahegī qaa.em

kaun chāhegā yahāñ saal guzāre jaa.eñ

tere mizhgāñ haiñ ki sūrat koī qausain kī hai

darmiyāñ aa ke kahīñ log na maare jaa.eñ

maahī us paar khaḌā aap kī rah taktā hai

aap tāzīm kareñ aur kināre jaa.eñ

ab mayassar nahīñ koī bhī Thikāna ham ko

tum batāo ki kahāñ dost tumhāre jaa.eñ

chand sheroñ kī zarūrat hai unheñ ḳhātir-e-dost

vo ba-zid haiñ ki vo ash.ār hamāre jaa.eñ

raushnī chāhiye kuchh der zarā aur hameñ

chāñd ruk jaa.e yahīñ aur sitāre jaa.eñ

aise kuchh log bhi miTTi pe utare jaen

dekh kar jin ko KHad-o-KHal sanware jaen

ek hi wasl ki tasir rahegi qaem

kaun chahega yahan sal guzare jaen

tere mizhgan hain ki surat koi qausain ki hai

darmiyan aa ke kahin log na mare jaen

mahi us par khaDa aap ki rah takta hai

aap tazim karen aur kinare jaen

ab mayassar nahin koi bhi Thikana hum ko

tum batao ki kahan dost tumhaare jaen

chand sheron ki zarurat hai unhen KHatir-e-dost

wo ba-zid hain ki wo ashaar hamare jaen

raushni chahiye kuchh der zara aur hamein

chand ruk jae yahin aur sitare jaen