aisi jamai tu ne mere dil pe dhak bas

aisī jamā.ī tū ne mire dil pe dhaak bas

har-dam hai terī shab tirā inhimāk bas

vo āsmāñ kā chāñd hai tū hai charāġh-e-rāh

tū duur se hī dekh use us ko taak bas

tīr-o-kamāñ kisī ke hameñ kyā miTā.eñge

teġh-e-nazar se hote haiñ ham to halāk bas

mil jā.egā qarār dil-e-be-qarār ko

mujh ko dikhā de apnā ruḳh-e-tābnāk bas

hai mubtalā-e-dard-o-alam merī zindagī

bin tere kaT rahī hai magar Thīk-Thāk bas

kuchh is meñ lutf hai na maza hai na kaif hai

qissa ġharīb kā hai bahut dardnāk bas

ḳhushbū nasīb hotī hai us ko na gul 'qamar'

sahrā-nashīñ ke hisse meñ aatī hai ḳhaak bas

aisi jamai tu ne mere dil pe dhak bas

har-dam hai teri shab tera inhimak bas

wo aasman ka chand hai tu hai charagh-e-rah

tu dur se hi dekh use us ko tak bas

tir-o-kaman kisi ke hamein kya miTaenge

tegh-e-nazar se hote hain hum to halak bas

mil jaega qarar dil-e-be-qarar ko

mujh ko dikha de apna ruKH-e-tabnak bas

hai mubtala-e-dard-o-alam meri zindagi

bin tere kaT rahi hai magar Thik-Thak bas

kuchh is mein lutf hai na maza hai na kaif hai

qissa gharib ka hai bahut dardnak bas

KHushbu nasib hoti hai us ko na gul 'qamar'

sahra-nashin ke hisse mein aati hai KHak bas