ایسی کشش ہے ہجر کی حالت اضطراب میں

ایسی کشش ہے ہجر کی حالت اضطراب میں

مجھ کو سکوں نہیں ملا ایسا کسی رباب میں

سامنے اس کے ہیچ ہیں سارے مزے شراب کے

ان کے لبوں کے لطف سے ایسا ہوں فیضیاب میں

ان کی ہیں صحبتیں بھلی دولت علم مل گئی

ایسی کبھی نہیں ملی مجھ کو کسی کتاب میں

ان کے شباب حسن کا کرتا رہوں مشاہدہ

ایسی نہیں ہے چاشنی اور کسی شباب میں

میرے رقیب خار کو گل سے نوازا آپ نے

چوک ہوئی ہے مجھ سے بھی یار کے انتخاب میں

فکر رسا کو ملتی ہے تم سے چمک دمک سدا

نام تمہارا لکھ دیا صفحۂ انتساب میں