ajab apna haal hota jo visal-e-yar hota

Dagh Dehlvi

ajab apna haal hota jo visal-e-yar hota

Dagh Dehlvi

MORE BY Dagh Dehlvi

    ajab apnā haal hotā jo visāl-e-yār hotā

    kabhī jaan sadqe hotī kabhī dil nisār hotā

    koī fitna tā-qayāmat na phir āshkār hotā

    tire dil pe kaash zālim mujhe iḳhtiyār hotā

    jo tumhārī tarah tum se koī jhūTe va.ade kartā

    tumhīñ munsifī se kah do tumheñ e'tibār hotā

    ġham-e-ishq meñ mazā thā jo use samajh ke khāte

    ye vo zahr hai ki āḳhir mai-e-ḳhush-gavār hotā

    ye maza thā dil-lagī ki barābar aag lagtī

    na tujhe qarār hotā na mujhe qarār hotā

    na mazā hai dushmanī meñ na hai lutf dostī meñ

    koī ġhair ġhair hotā koī yaar yaar hotā

    tire va.ade par sitamgar abhī aur sabr karte

    agar apnī zindagī hameñ e'tibār hotā

    ye vo dard-e-dil nahīñ hai ki ho chārasāz koī

    agar ek baar miTtā to hazār baar hotā

    ga.e hosh tere zāhid jo vo chashm-e-mast dekhī

    mujhe kyā ulaT na dete jo na bāda-ḳhvār hotā

    mujhe mānte sab aisā ki adū bhī sajde karte

    dar-e-yār ka.aba bantā jo mirā mazār hotā

    tumheñ naaz ho na kyūñkar ki liyā hai 'dāġh' dil

    ye raqam na haath lagtī na ye iftiḳhār hotā

    ajab apna haal hota jo visal-e-yar hota

    kabhi jaan sadqe hoti kabhi dil nisar hota

    koi fitna ta-qayamat na phir aashkar hota

    tere dil pe kash zalim mujhe iKHtiyar hota

    jo tumhaari tarah tum se koi jhuTe wade karta

    tumhin munsifi se kah do tumhein e'tibar hota

    gham-e-ishq mein maza tha jo use samajh ke khate

    ye wo zahr hai ki aaKHir mai-e-KHush-gawar hota

    ye maza tha dil-lagi ka ki barabar aag lagti

    na tujhe qarar hota na mujhe qarar hota

    na maza hai dushmani mein na hai lutf dosti mein

    koi ghair ghair hota koi yar yar hota

    tere wade par sitamgar abhi aur sabr karte

    agar apni zindagi ka hamein e'tibar hota

    ye wo dard-e-dil nahin hai ki ho chaarasaz koi

    agar ek bar miTta to hazar bar hota

    gae hosh tere zahid jo wo chashm-e-mast dekhi

    mujhe kya ulaT na dete jo na baada-KHwar hota

    mujhe mante sab aisa ki adu bhi sajde karte

    dar-e-yar kaba banta jo mera mazar hota

    tumhein naz ho na kyunkar ki liya hai 'dagh' ka dil

    ye raqam na hath lagti na ye iftiKHar hota

    Videos
    This video is playing from YouTube

    Videos
    This video is playing from YouTube

    Talat Aziz

    Talat Aziz

    Unknown

    Unknown

    Shumona Roy Biswas

    Shumona Roy Biswas

    Unknown

    Unknown

    Unknown

    Unknown

    Unknown

    Unknown

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites