عجب اسباب کرتا جا رہا ہوں
عجب اسباب کرتا جا رہا ہوں
لہو سیماب کرتا جا رہا ہوں
میں اپنی موج میں اک رقص دیگر
سر گرداب کرتا جا رہا ہوں
ازل سے جاگتی آنکھوں جہاں میں
بسر اک خواب کرتا جا رہا ہوں
سر مژگاں ابھرتا ہے جو تارا
اسے مہتاب کرتا جا رہا ہوں
جو دل اک عمر سے بنجر پڑے تھے
انہیں سیراب کرتا جا رہا ہوں
میں راہ شوق کی ہر کنکری کو
در نایاب کرتا جا رہا ہوں
وہ اعجاز سخن بخشا ہے اس نے
چٹانیں آب کرتا جا رہا ہوں
مأخذ :
- کتاب : Funoon (Monthly) (Pg. 542)
- Author : Ahmad Nadeem Qasmi
- مطبع : 4 Maklood Road, Lahore (25Edition Nov. Dec. 1986)
- اشاعت : 25Edition Nov. Dec. 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
