ajab tarah ke kamal karne bhi aa gae hain

ajab tarah ke kamāl karne bhī aa ga.e haiñ

bichhaḌ ke ab maah o saal karne bhī aa ga.e haiñ

jo merī bātoñ ko māntā thā bilā-ta.āmul

suno use ab savāl karne bhī aa ga.e haiñ

sunā hai logoñ se ab vo miltā hai muskurā kar

use ta.alluq bahāl karne bhī aa ga.e haiñ

vo shaḳhs jis kī ḳhushī kā baa.is thiiñ merī bāteñ

use ab un par malāl karne bhī aa ga.e haiñ

sunā hai ab rāsta badaltā hai vo achānak

use to raahī niDhāl karne bhī aa ga.e haiñ

ajab tarah ke kamal karne bhi aa gae hain

bichhaD ke ab mah o sal karne bhi aa gae hain

jo meri baaton ko manta tha bila-taamul

suno use ab sawal karne bhi aa gae hain

suna hai logon se ab wo milta hai muskura kar

use talluq bahaal karne bhi aa gae hain

wo shaKHs jis ki KHushi ka bais thin meri baaten

use ab un par malal karne bhi aa gae hain

suna hai ab rasta badalta hai wo achanak

use to rahi niDhaal karne bhi aa gae hain