ajab tarah se main sarf-e-malal hone laga

ajab tarah se maiñ sarf-e-malāl hone lagā

jo shahr kā hai vahī dil kā haal hone lagā

sab us kī bazm meñ the mujrmoñ kī tarah ḳhamosh

ham aa ga.e to hamīñ se savāl hone lagā

ab āsmāñ se mujhe shikva-e-jafā bhī nahīñ

har inqalāb mire hasb-e-hāl hone lagā

hamāre kaif-o-masarrat meñ ehtimām kahāñ

havā.e taaza chalī jī bahāl hone lagā

jo ḳhush nahīñ hai 'sahar' ban ke merā ham-sāya

vo kis gumāñ pe mirā ham-ḳhayāl hone lagā

ajab tarah se main sarf-e-malal hone laga

jo shahr ka hai wahi dil ka haal hone laga

sab us ki bazm mein the mujrmon ki tarah KHamosh

hum aa gae to hamin se sawal hone laga

ab aasman se mujhe shikwa-e-jafa bhi nahin

har inqalab mere hasb-e-haal hone laga

hamare kaif-o-masarrat mein ehtimam kahan

hawae taza chali ji bahaal hone laga

jo KHush nahin hai 'sahar' ban ke mera ham-saya

wo kis guman pe mera ham-KHayal hone laga