ajib intishaar hai zamin se aasman tak

ajiib intishār hai zamīñ se āsmān tak

ġhubār hī ġhubār hai zamīñ se āsmān tak

vabā.eñ qaht zalzale lapak rahe haiñ pai-ba-pai

ye kis kā eqtidār hai zamīñ se āsmān tak

bisāt-e-ḳhāk bhī tapāñ ḳhalā bhī hai dhuāñ dhuāñ

bas ik azāb-e-nār hai zamīñ se āsmān tak

giraft panja-e-fanā meñ ḳhasta-hāl-o-ḳhūñ-chakāñ

hayāt-e-musta.ār hai zamīñ se āsmān tak

fuġhān-o-ashk-o-āh kā jigar-gudāz silsila

ba-lutf-e-kirdigār hai zamīñ se āsmān tak

matā-e-jabr-e-zindagī hameñ bhī jis ne kī atā

usī kā iḳhtiyār hai zamīñ se āsmān tak

farāz-e-arsh ke makīñ shikasta-dil hamīñ nahīñ

har ek be-qarār hai zamīñ se āsmān tak

ajib intishaar hai zamin se aasman tak

ghubar hi ghubar hai zamin se aasman tak

wabaen qaht zalzale lapak rahe hain pai-ba-pai

ye kis ka eqtidar hai zamin se aasman tak

bisat-e-KHak bhi tapan KHala bhi hai dhuan dhuan

bas ek azab-e-nar hai zamin se aasman tak

giraft panja-e-fana mein KHasta-haal-o-KHun-chakan

hayat-e-mustaar hai zamin se aasman tak

fughan-o-ashk-o-ah ka jigar-gudaz silsila

ba-lutf-e-kirdigar hai zamin se aasman tak

mata-e-jabr-e-zindagi hamein bhi jis ne ki ata

usi ka iKHtiyar hai zamin se aasman tak

faraaz-e-arsh ke makin shikasta-dil hamin nahin

har ek be-qarar hai zamin se aasman tak