ajib shaKHs tha Dar Dar ke ghat karta tha

'ajīb shaḳhs thā Dar Dar ke ghaat kartā thā

diye jalātā thā tab jā ke raat kartā thā

usī kī tarh thā ḳhūñḳhār jazba-e-'ishq us kā

nazar nazar meñ na.e vārdāt kartā thā

bichhaḌ ke us se ab aatā hai yaad aksar kyuuñ

vo jab bhī miltā bichhaḌne kī baat kartā thā

kise yaqīn ho shamshīr dekh kar us kī

vo ik zamāne meñ phūloñ kī baat kartā thā

machal se uThte the saare daraḳht jangal ke

parinda uḌte hue mo’jizāt kartā thā

vo muskurātā to palkoñ pe din chamakte the

udaas hotā to āñkhoñ meñ raat kartā thā

vo sang-dil thā ki jaise bhī sab se pesh aatā

vahī sulūk vo apne bhī saath kartā thā

'ajib shaKHs tha Dar Dar ke ghat karta tha

diye jalata tha tab ja ke raat karta tha

usi ki tarh tha KHunKHar jazba-e-'ishq us ka

nazar nazar mein nae wardat karta tha

bichhaD ke us se ab aata hai yaad aksar kyun

wo jab bhi milta bichhaDne ki baat karta tha

kise yaqin ho shamshir dekh kar us ki

wo ek zamane mein phulon ki baat karta tha

machal se uThte the sare daraKHt jangal ke

parinda uDte hue mo’jizat karta tha

wo muskuraata to palkon pe din chamakte the

udas hota to aankhon mein raat karta tha

wo sang-dil tha ki jaise bhi sab se pesh aata

wahi suluk wo apne bhi sath karta tha