ajib tarz-e-takallum se aazma ke mujhe

ajiib tarz-e-takallum se aazmā ke mujhe

vo chāhtā hai abhī dekhnā jhukā ke mujhe

maiñ der se hī sahī ghar pahuñch gayā āḳhir

vo mutma.in thā nayā rāsta dikhā ke mujhe

ik umr maiñ ne jise ġhaur se nahīñ dekhā

rakhā usī ne kaḌī dhuup se bachā ke mujhe

maiñ aa.ina huuñ ye us ko ḳhabar na thī shāyad

vo sharmsār huā raushnī meñ lā ke mujhe

kabhī jahāñ pe hazāroñ charāġh jalte the

milā sukūn vahāñ ik diyā jalā ke mujhe

surūr-e-sahn-e-chaman se sukūt-e-dasht-e-talab

kahāñ se lā.īñ havā.eñ kahāñ uḌā ke mujhe

ajib tarz-e-takallum se aazma ke mujhe

wo chahta hai abhi dekhna jhuka ke mujhe

main der se hi sahi ghar pahunch gaya aaKHir

wo mutmain tha naya rasta dikha ke mujhe

ek umr main ne jise ghaur se nahin dekha

rakha usi ne kaDi dhup se bacha ke mujhe

main aaina hun ye us ko KHabar na thi shayad

wo sharmsar hua raushni mein la ke mujhe

kabhi jahan pe hazaron charagh jalte the

mila sukun wahan ek diya jala ke mujhe

surur-e-sahn-e-chaman se sukut-e-dasht-e-talab

kahan se lain hawaen kahan uDa ke mujhe