ajnabi sa ek sitara hun main sayyaron ke bich

ajnabī sā ik sitāra huuñ maiñ sayyāroñ ke biich

ik judā kirdār huuñ apne hī kirdāroñ ke biich

phir rahī huuñ be-sabab pāgal havā sī jā-ba-jā

dhund meñ lipTe hue ḳhāmosh kohsāroñ ke biich

is hisār-e-ḳhāk ko jab toḌ kar niklūñgī maiñ

DhūñDte rah jāoge tum mujh ko dīvāroñ ke biich

kuchh kaḌe Takrāo de jaatī hai aksar raushnī

juuñ chamak uThtī hai koī barq talvāroñ ke bech

shakl ye behtar hai lekin puḳhtagī ke vāste

aao miTī ko rakheñ kuchh der añgāroñ ke biich

ajnabi sa ek sitara hun main sayyaron ke bich

ek juda kirdar hun apne hi kirdaron ke bich

phir rahi hun be-sabab pagal hawa si ja-ba-ja

dhund mein lipTe hue KHamosh kohsaron ke bich

is hisar-e-KHak ko jab toD kar niklungi main

DhunDte rah jaoge tum mujh ko diwaron ke bich

kuchh kaDe Takrao de jati hai aksar raushni

jun chamak uThti hai koi barq talwaron ke bech

shakl ye behtar hai lekin puKHtagi ke waste

aao miTi ko rakhen kuchh der angaron ke bich