ajnabi shahr ki ajnabi sham mein
ajnabī shahr kī ajnabī shaam meñ
zindagī Dhal ga.ī malgajī shaam meñ
shaam āñkhoñ meñ utrī usī shaam ko
zindagī se ga.ī zindagī shaam meñ
dard kī lahr meñ zindagī bah ga.ī
umr yuuñ kaT ga.ī hijr kī shaam meñ
ishq par āfrīñ jo salāmat rahā
is bikhartī huī surma.ī shaam meñ
har taraf ashk aur siskiyāñ hijr kī
dard hī dard hai har ghaḌī shaam meñ
āḳhirī baar aayā thā milne koī
hijr mujh ko milā vasl kī shaam meñ
raat 'shāhīn'! āñkhoñ meñ kaTne lagī
is tarah gum huī raushnī shaam meñ
ajnabi shahr ki ajnabi sham mein
zindagi Dhal gai malgaji sham mein
sham aankhon mein utri usi sham ko
zindagi se gai zindagi sham mein
dard ki lahr mein zindagi bah gai
umr yun kaT gai hijr ki sham mein
ishq par aafrin jo salamat raha
is bikharti hui surmai sham mein
har taraf ashk aur siskiyan hijr ki
dard hi dard hai har ghaDi sham mein
aaKHiri bar aaya tha milne koi
hijr mujh ko mila wasl ki sham mein
raat 'shahin'! aankhon mein kaTne lagi
is tarah gum hui raushni sham mein
- Book : Monthly Adab-e-Latif (Pg. 127)
- Author : Siddiqah Begum
- Publication : Aaftab Ahmed Chaudhry (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
