aks-e-gul hun ki naqsh-e-hairat hun
aks-e-gul huuñ ki naqsh-e-hairat huuñ
aa.ine maiñ tirī zarūrat huuñ
gūñjtā huuñ diloñ ke gumbad meñ
ek āvāza-e-mohabbat huuñ
nā-rasā.ī mirā muqaddar hai
zer-e-lab ik bayān-e-hasrat huuñ
dil-e-āsūda hai vatan merā
maiñ tamannā-e-dasht-e-ġhurbat huuñ
maiñ huuñ ik paikar-e-ḳhayāl-o-ḳhvāb
aur kitnī baḌī haqīqat huuñ
garche maiñ harf-e-ḳhāk huuñ 'ḳhurshīd'
phir bhī zeb--ekitāb-e-fitrat huuñ
aks-e-gul hun ki naqsh-e-hairat hun
aaine main teri zarurat hun
gunjta hun dilon ke gumbad mein
ek aawaza-e-mohabbat hun
na-rasai mera muqaddar hai
zer-e-lab ek bayan-e-hasrat hun
dil-e-asuda hai watan mera
main tamanna-e-dasht-e-ghurbat hun
main hun ek paikar-e-KHayal-o-KHwab
aur kitni baDi haqiqat hun
garche main harf-e-KHak hun 'KHurshid'
phir bhi zeb--ekitab-e-fitrat hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
