aks-e-jamal-e-yar ki tasir dekhna

aks-e-jamāl-e-yār kī tāsīr dekhnā

dil ban gayā hai husn kī tasvīr dekhnā

aa.ī hai phir chaman se havā-e-junūñ-navāz

shāyad hai phir nasīb meñ zanjīr dekhnā

phir dil ko hai kashākash-e-hasrat se vāsta

phir dil hai vaqt-e-kāvish-e-tadbīr dekhnā

phir ibtilā-e-ishq kī jur.at huī mujhe

phir hai fuġhāñ ko hasrat-e-tāsīr dekhnā

phir jazb-āzmā hai dil-e-be-qarār-e-shauq

phir hai ḳharosh nāla-e-shab-gīr dekhnā

phir ijz-e-shauq ne unheñ maġhrūr kar diyā

phir tamkanat huī hai ināñ-gīr dekhnā

phir kashmakash se zabt kī ghabrā chalā hai dil

phir chāhtā huuñ aah kī tāsīr dekhnā

phir ro rahā huuñ ishrat-e-māzī kī yaad meñ

phir huuñ asīr-e-gardish-e-taqdīr dekhnā

phir ho rahī hai un se tasavvur meñ guftugū

phir huuñ maiñ mahv-e-lazzat-e-taqrīr dekhnā

qismat meñ merī koī ḳhushī kī ghaḌī bhī hai

ai vāqifān-e-nauha-e-taqdīr dekhnā

'razmī' hai dil meñ phir havas-e-imtihān-e-shauq

phir chāhtā huuñ burrish-e-shamshīr dekhnā

aks-e-jamal-e-yar ki tasir dekhna

dil ban gaya hai husn ki taswir dekhna

aai hai phir chaman se hawa-e-junun-nawaz

shayad hai phir nasib mein zanjir dekhna

phir dil ko hai kashakash-e-hasrat se wasta

phir dil hai waqt-e-kawish-e-tadbir dekhna

phir ibtila-e-ishq ki jurat hui mujhe

phir hai fughan ko hasrat-e-tasir dekhna

phir jazb-azma hai dil-e-be-qarar-e-shauq

phir hai KHarosh nala-e-shab-gir dekhna

phir ijz-e-shauq ne unhen maghrur kar diya

phir tamkanat hui hai inan-gir dekhna

phir kashmakash se zabt ki ghabra chala hai dil

phir chahta hun aah ki tasir dekhna

phir ro raha hun ishrat-e-mazi ki yaad mein

phir hun asir-e-gardish-e-taqdir dekhna

phir ho rahi hai un se tasawwur mein guftugu

phir hun main mahw-e-lazzat-e-taqrir dekhna

qismat mein meri koi KHushi ki ghaDi bhi hai

ai waqifan-e-nauha-e-taqdir dekhna

'razmi' hai dil mein phir hawas-e-imtihan-e-shauq

phir chahta hun burrish-e-shamshir dekhna