aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aks hai aaina-e-dahr mein surat meri

Jaleel Manikpuri

aks hai aaina-e-dahr mein surat meri

Jaleel Manikpuri

MORE BYJaleel Manikpuri

    aks hai ā.ina-e-dahr meñ sūrat merī

    kuchh haqīqat nahīñ itnī hai haqīqat merī

    dekhtā maiñ use kyūñkar ki naqāb uThte

    ban ke dīvār khaḌī ho ga.ī hairat merī

    roz vo ḳhvāb meñ aate haiñ gale milne ko

    maiñ jo sotā huuñ to jaag uThtī hai qismat merī

    sach hai ehsān bhī bojh bahut hotā hai

    chaar phūloñ se dabī jaatī hai turbat merī

    aa.ine se unheñ kuchh uns nahīñ baat ye hai

    chāhte haiñ koī dekhā kare sūrat merī

    maiñ ye samjhūñ koī ma.ashūq mire haath aayā

    mere qaabū meñ jo aa jaa.e tabī.at merī

    bū-e-gesū ne shagūfa ye nayā chhoḌā hai

    nik.hat-e-gul se ulajhtī hai tabī.at merī

    un se iz.hār-e-mohabbat jo koī kartā hai

    duur se us ko dikhā dete haiñ turbat merī

    jaate jaate vo yahī kar ga.e tākīd 'jalīl'

    dil meñ rakhiyegā hifāzat se mohabbat merī

    aks hai aaina-e-dahr mein surat meri

    kuchh haqiqat nahin itni hai haqiqat meri

    dekhta main use kyunkar ki naqab uThte hi

    ban ke diwar khaDi ho gai hairat meri

    roz wo KHwab mein aate hain gale milne ko

    main jo sota hun to jag uThti hai qismat meri

    sach hai ehsan ka bhi bojh bahut hota hai

    chaar phulon se dabi jati hai turbat meri

    aaine se unhen kuchh uns nahin baat ye hai

    chahte hain koi dekha kare surat meri

    main ye samjhun koi mashuq mere hath aaya

    mere qabu mein jo aa jae tabiat meri

    bu-e-gesu ne shagufa ye naya chhoDa hai

    nikhat-e-gul se ulajhti hai tabiat meri

    un se izhaar-e-mohabbat jo koi karta hai

    dur se us ko dikha dete hain turbat meri

    jate jate wo yahi kar gae takid 'jalil'

    dil mein rakhiyega hifazat se mohabbat meri

    Source:

    Kainat-e-Jalil Manakpuri (Pg. 135)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now