aks kuchh na badlega aainon ko dhone se

aks kuchh na badlegā ā.inoñ ko dhone se

āzarī nahīñ aatī pattharoñ pe rone se

mas.ala na suljhegā pyaas bujh na pā.egī

be-hisī ke sāġhar meñ aap ko Dubone se

toḌ do hadeñ saarī ye bhī tajraba kar lo

zaat aur simTegī be-hijāb hone se

lab pe zom-e-mai-ḳhvārī aur qadam bahakte haiñ

sirf kāsa-e-mai meñ uñgliyāñ Dubone se

har sadaf ke siine meñ gir rahā hai ik motī

dard-o-ġham ke māroñ kī kashtiyāñ Dubone se

zaḳhm roz ik taaza de diyā karo varna

be-dilī sī rahtī hai dard ke na hone se

har lahū fuġhāñ degā har diyā dhuāñ degā

daaġh miT nahīñ sakte dāmanoñ ko dhone se

kaun sī vo ātish thī mere ḳhuun meñ 'sālim'

haath jal ga.e us ke uñgliyāñ Dubone se

aks kuchh na badlega aainon ko dhone se

aazari nahin aati pattharon pe rone se

masala na suljhega pyas bujh na paegi

be-hisi ke saghar mein aap ko Dubone se

toD do haden sari ye bhi tajraba kar lo

zat aur simTegi be-hijab hone se

lab pe zom-e-mai-KHwari aur qadam bahakte hain

sirf kasa-e-mai mein ungliyan Dubone se

har sadaf ke sine mein gir raha hai ek moti

dard-o-gham ke maron ki kashtiyan Dubone se

zaKHm roz ek taza de diya karo warna

be-dili si rahti hai dard ke na hone se

har lahu fughan dega har diya dhuan dega

dagh miT nahin sakte damanon ko dhone se

kaun si wo aatish thi mere KHun mein 'salim'

hath jal gae us ke ungliyan Dubone se