aks ne mere rulaya hai mujhe

aks ne mere rulāyā hai mujhe

koī apnā nazar aayā hai mujhe

pesh-e-ā.īna bahut sochtā huuñ

kis liye us ne banāyā hai mujhe

kis liye vus.at-e-sahrā de kar

tañg galiyoñ meñ phirāyā hai mujhe

kis liye mere hī sehn-e-jāñ meñ

misl-e-dīvār uThāyā hai mujhe

maiñ kahīñ aur kā rahne vaalā

ġham kahāñ khīñch ke laayā hai mujhe

jis meñ us chhāñv kī yaad aa jaa.e

ab to vo dhuup bhī saayā hai mujhe

nigah-e-nāz se kyūñkar pūchhūñ

kyuuñ nigāhoñ se girāyā hai mujhe

haath meñ le ke girebāñ merā

dil ne dil bhar ke satāyā hai mujhe

saḳht hairāñ huuñ sar-e-koh-e-nidā

kaun thā kis ne bulāyā hai mujhe

aks ne mere rulaya hai mujhe

koi apna nazar aaya hai mujhe

pesh-e-aina bahut sochta hun

kis liye us ne banaya hai mujhe

kis liye wusat-e-sahra de kar

tang galiyon mein phiraya hai mujhe

kis liye mere hi sehn-e-jaan mein

misl-e-diwar uThaya hai mujhe

main kahin aur ka rahne wala

gham kahan khinch ke laya hai mujhe

jis mein us chhanw ki yaad aa jae

ab to wo dhup bhi saya hai mujhe

nigah-e-naz se kyunkar puchhun

kyun nigahon se giraya hai mujhe

hath mein le ke gireban mera

dil ne dil bhar ke sataya hai mujhe

saKHt hairan hun sar-e-koh-e-nida

kaun tha kis ne bulaya hai mujhe