عکس سراپا ڈھونڈ رہے ہیں
عکس سراپا ڈھونڈ رہے ہیں
ایک تھا چہرہ ڈھونڈ رہے ہیں
اپنی منزل گم ہے لیکن
اس کا رستہ ڈھونڈ رہے ہیں
ایک جہاں تھا ڈوب گیا ہے
ایک زمانہ ڈھونڈ رہے ہیں
ایک پرندہ قید تھا اس میں
خالی پنجرہ ڈھونڈ رہے ہیں
روزی نے کب پورا چھوڑا
خود کو آدھا ڈھونڈ رہے ہیں
تو بچھڑا ہے تجھ کو عاشقؔ
لحظہ لحظہ ڈھونڈ رہے ہیں
مأخذ :
- کتاب : اردو غزل کا مغربی دریچہ(یورپ اور امریکہ کی اردو غزل کا پہلا معتبر ترین انتخاب) (Pg. 399)
- مطبع : کتاب سرائے بیت الحکمت لاہور کا اشاعتی ادارہ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
