al-aman ki suraj hai meri jaan ke pichhe

al-amāñ ki sūraj hai merī jaan ke pīchhe

aur saañp baiThā hai sā.ebān ke pīchhe

ḳhush-gavār mausam par kāmyābiyāñ mabnī

man-chalā samundar hai bādbān ke pīchhe

ham se rah-navardoñ ko dasht raas kyā aatā

āḳhirash palaTnā thā ḳhaak chhān ke pīchhe

chīḳh al-madad shāyad dast-e-ġhaib aa jaa.e

noveloñ ke lashkar haiñ dāstān ke pīchhe

tiir khā ke pahlū meñ maiñ idhar taḌaptā thā

aur merī parchhā.īñ thī kamān ke pīchhe

muzmahil na ho jaa.e quvvatoñ kī tābānī

koī chhup ke baiThā hai āsmān ke pīchhe

nāqid-o-halākū meñ rabt-e-ḳhās hai 'yāvar'

kuchh qalam-numā ḳhanjar haiñ zabān ke pīchhe

al-aman ki suraj hai meri jaan ke pichhe

aur sanp baiTha hai saeban ke pichhe

KHush-gawar mausam par kaamyabiyan mabni

man-chala samundar hai baadban ke pichhe

hum se rah-nawardon ko dasht ras kya aata

aaKHirash palaTna tha KHak chhan ke pichhe

chiKH al-madad shayad dast-e-ghaib aa jae

nowelon ke lashkar hain dastan ke pichhe

tir kha ke pahlu mein main idhar taDapta tha

aur meri parchhain thi kaman ke pichhe

muzmahil na ho jae quwwaton ki tabani

koi chhup ke baiTha hai aasman ke pichhe

naqid-o-halaku mein rabt-e-KHas hai 'yawar'

kuchh qalam-numa KHanjar hain zaban ke pichhe