amir lakh idhar se udhar zamana hua

amiir laakh idhar se udhar zamāna huā

vo but vafā pe na aayā maiñ be-vafā na huā

sar-e-niyāz ko terā hī āstāna huā

sharāb-ḳhāna huā yā qimār-ḳhāna huā

huā faroġh jo mujh ko ġham-e-zamāna huā

paḌā jo daaġh jigar meñ charāġh-e-ḳhāna huā

umiid jā ke nahīñ us galī se aane kī

ba-rang-e-umr mirā nāma-bar ravāna huā

hazār shukr na zaa.e' huī mirī khetī

ki barq o sail meñ taqsīm daana daana huā

qadam huzūr ke aa.e mire nasīb khule

javāb-e-qasr-e-sulaimāñ ġharīb-ḳhāna huā

tire jamāl ne zohra ko daur dikhlāyā

tire jalāl se mirrīḳh kā zamāna huā

koī gayā dar-e-jānāñ pe ham hue pāmāl

hamārā sar na huā sañg-e-āstāna huā

faroġh-e-dil kā sabab ho ga.ī bujhī jo havas

sharār-e-kushta se raushan charāġh-e-ḳhāna huā

jab aa.ī josh pe mere karīm kī rahmat

girā jo aañkh se aañsū dur-e-yagāna huā

hasad se zahr tan-e-āsmāñ meñ phail gayā

jo apnī kisht meñ sarsabz koī daana huā

chune mahīnoñ hī tinke ġharīb bulbul ne

magar nasīb na do roz āshiyāna huā

ḳhayāl-e-zulf meñ chhā.ī ye tīrgī shab-e-hijr

ki ḳhāl-e-chehra-e-zaḳhmī charāġh-e-ḳhāna huā

ye josh-e-girya huā mere said hone par

ki chashm-e-dām ke aañsū se sabz daana huā

na pūchh nāz-o-niyāz us ke mere kab se haiñ

ye husn o ishq to ab hai use zamāna huā

uThā.e sadme pe sadme to aabrū paa.ī

amiir TuuT ke dil gauhar-e-yagāna huā

amir lakh idhar se udhar zamana hua

wo but wafa pe na aaya main be-wafa na hua

sar-e-niyaz ko tera hi aastana hua

sharab-KHana hua ya qimar-KHana hua

hua farogh jo mujh ko gham-e-zamana hua

paDa jo dagh jigar mein charagh-e-KHana hua

umid ja ke nahin us gali se aane ki

ba-rang-e-umr mera nama-bar rawana hua

hazar shukr na zae' hui meri kheti

ki barq o sail mein taqsim dana dana hua

qadam huzur ke aae mere nasib khule

jawab-e-qasr-e-sulaiman gharib-KHana hua

tere jamal ne zohra ko daur dikhlaya

tere jalal se mirriKH ka zamana hua

koi gaya dar-e-jaanan pe hum hue pamal

hamara sar na hua sang-e-astana hua

farogh-e-dil ka sabab ho gai bujhi jo hawas

sharar-e-kushta se raushan charagh-e-KHana hua

jab aai josh pe mere karim ki rahmat

gira jo aankh se aansu dur-e-yagana hua

hasad se zahr tan-e-asman mein phail gaya

jo apni kisht mein sarsabz koi dana hua

chune mahinon hi tinke gharib bulbul ne

magar nasib na do roz aashiyana hua

KHayal-e-zulf mein chhai ye tirgi shab-e-hijr

ki KHal-e-chehra-e-zaKHmi charagh-e-KHana hua

ye josh-e-girya hua mere said hone par

ki chashm-e-dam ke aansu se sabz dana hua

na puchh naz-o-niyaz us ke mere kab se hain

ye husn o ishq to ab hai use zamana hua

uThae sadme pe sadme to aabru pai

amir TuT ke dil gauhar-e-yagana hua