amn ke dawe apilen ishtihaar apni jagah

amn ke da.ave apīleñ ishtihār apnī jagah

hasb-e-sābiq shahr bhar meñ intishār apnī jagah

din-ba-din hālāt kā ruḳh bad se bad-tar kī taraf

roz-o-shab achchhe dinoñ kā intizār apnī jagah

kaar bañgla kār-ḳhāne mahfileñ hotel sharāb

ghar ke andar kī fazā nā-ḳhush-gavār apnī jagah

maiñ sadāqat kā alam-bardār tū bātil-parast

jiit merī tai-shuda hai terī haar apnī jagah

ik payāde ne safoñ ko chiir Daalā jis ghaḌī

muñh hī takte rah ga.e sab shahsavār apnī jagah

ham ki rusvā.ī kī sab se āḳhirī manzil meñ haiñ

aur musallam apne purkhoñ kā vaqār apnī jagah

amn ke dawe apilen ishtihaar apni jagah

hasb-e-sabiq shahr bhar mein intishaar apni jagah

din-ba-din haalat ka ruKH bad se bad-tar ki taraf

roz-o-shab achchhe dinon ka intizar apni jagah

kar bangla kar-KHane mahfilen hotel sharab

ghar ke andar ki faza na-KHush-gawar apni jagah

main sadaqat ka alam-bardar tu baatil-parast

jit meri tai-shuda hai teri haar apni jagah

ek payaade ne safon ko chir Dala jis ghaDi

munh hi takte rah gae sab shahsawar apni jagah

hum ki ruswai ki sab se aaKHiri manzil mein hain

aur musallam apne purkhon ka waqar apni jagah