ana ka bojh kabhi jism se utar ke dekh
anā kā bojh kabhī jism se utaar ke dekh
mujhe zabāñ se nahīñ ruuh se pukār ke dekh
merī zamīn pe chal tez tez qadmoñ se
phir us ke ba.ad tū jalve mire ġhubār ke dekh
ye ashk dil pe gireñ to bahut chamaktā hai
kabhī ye aa.ina tezāb se nikhār ke dekh
na pūchh mujh se tire qurb kā nasha kyā hai
tū apnī aañkh meñ Dore mire ḳhumār ke dekh
zarā tujhe bhī to ehsās-e-hijr ho jānāñ
bas ek raat mere haal meñ guzār ke dekh
abhī to sirf kamāl-e-ġhurūr dekhā hai
tujhe qasam hai tamāshe bhī inkisār ke dekh
ana ka bojh kabhi jism se utar ke dekh
mujhe zaban se nahin ruh se pukar ke dekh
meri zamin pe chal tez tez qadmon se
phir us ke baad tu jalwe mere ghubar ke dekh
ye ashk dil pe giren to bahut chamakta hai
kabhi ye aaina tezab se nikhaar ke dekh
na puchh mujh se tere qurb ka nasha kya hai
tu apni aankh mein Dore mere KHumar ke dekh
zara tujhe bhi to ehsas-e-hijr ho jaanan
bas ek raat mere haal mein guzar ke dekh
abhi to sirf kamal-e-ghurur dekha hai
tujhe qasam hai tamashe bhi inkisar ke dekh
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
