andaz-e-guftugu ko bhi takrar mat bata

andāz-e-guftugū ko bhī takrār mat batā

hargiz zabāñ ko tīr-o-talvār mat batā

is zindagī ko Dar ke masā.ib kī dhuup se

rāhat kī chhāñv ke liye ġham-ḳhvār mat batā

zar zan zamīn asl meñ tīnoñ haiñ fitna-gar

hirs-o-havas kā dil ko talabgār mat batā

nādān dil ko zarf se ḳhālī dimāġh ko

apnā rafīq apnā madad-gār mat batā

'anvar' nashāt-o-aish meñ duniyā kī Duub kar

mulk-e-adam kī raah ko pur-ḳhār mat batā

andaz-e-guftugu ko bhi takrar mat bata

hargiz zaban ko tir-o-talwar mat bata

is zindagi ko Dar ke masaib ki dhup se

rahat ki chhanw ke liye gham-KHwar mat bata

zar zan zamin asl mein tinon hain fitna-gar

hirs-o-hawas ka dil ko talabgar mat bata

nadan dil ko zarf se KHali dimagh ko

apna rafiq apna madad-gar mat bata

'anwar' nashat-o-aish mein duniya ki Dub kar

mulk-e-adam ki rah ko pur-KHar mat bata