aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

andhera miTta nahin hai miTana paDta hai

Bharat Bhushan Pant

andhera miTta nahin hai miTana paDta hai

Bharat Bhushan Pant

MORE BYBharat Bhushan Pant

    añdherā miTtā nahīñ hai miTānā paḌtā hai

    bujhe charāġh ko phir se jalānā paḌtā hai

    ye aur baat hai ghabrā rahā hai dil varna

    ġhamoñ bojh to sab ko uThānā paḌtā hai

    kabhī kabhī to in ashkoñ aabrū ke liye

    na chāhte hue bhī muskurānā paḌtā hai

    ab apnī baat ko kahnā bahut mushkil hai

    har ek baat ko kitnā ghumānā paḌtā hai

    vagarna guftugū kartī nahīñ ye ḳhāmoshī

    har ik sadā ko hameñ chup karānā paḌtā hai

    ab apne paas to ham ḳhud ko bhī nahīñ milte

    hameñ bhī ḳhud se bahut duur jaanā paḌtā hai

    ik aisā vaqt bhī aatā hai zindagī meñ kabhī

    jab apne saa.e se pīchhā chhuḌānā paḌtā hai

    bas ek jhuuT kabhī aa.ine se bolā thā

    ab apne aap se chehra chhupānā paḌtā hai

    hamāre haal pe ab chhoḌ de hameñ duniyā

    ye baar baar hameñ kyuuñ batānā paḌtā hai

    andhera miTta nahin hai miTana paDta hai

    bujhe charagh ko phir se jalana paDta hai

    ye aur baat hai ghabra raha hai dil warna

    ghamon ka bojh to sab ko uThana paDta hai

    kabhi kabhi to in ashkon ki aabru ke liye

    na chahte hue bhi muskurana paDta hai

    ab apni baat ko kahna bahut hi mushkil hai

    har ek baat ko kitna ghumana paDta hai

    wagarna guftugu karti nahin ye KHamoshi

    har ek sada ko hamein chup karana paDta hai

    ab apne pas to hum KHud ko bhi nahin milte

    hamein bhi KHud se bahut dur jaana paDta hai

    ek aisa waqt bhi aata hai zindagi mein kabhi

    jab apne sae se pichha chhuDana paDta hai

    bas ek jhuT kabhi aaine se bola tha

    ab apne aap se chehra chhupana paDta hai

    hamare haal pe ab chhoD de hamein duniya

    ye bar bar hamein kyun batana paDta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now