andhiyare aankh-ankh mein pahna gai hai sham

añdhiyāre āñkh-āñkh meñ pahnā ga.ī hai shaam

ik chādar-e-siyāh ko phailā ga.ī hai shaam

rāhoñ meñ kho ga.ī haiñ mohabbat kī deviyāñ

jaise har ek moḌ pe bahkā ga.ī hai shaam

maġhrib kī samt jab kabhī sūraj utar gayā

ghar meñ diyā jalāne chalī aa ga.ī hai shaam

samtoñ meñ baT ga.e haiñ ujāloñ ke ham-navā

be-samt dekh kar mujhe sahrā ga.ī hai shaam

jis samt dekhtā huuñ shuāoñ ke zaḳhm haiñ

kis kī nigāh-e-nāz se Takrā ga.ī hai shaam

apne vajūd se maiñ bichhaḌ kar bhaTak gayā

tanhā.iyoñ ke zaḳhm se mahkā ga.ī hai shaam

shahroñ ke āsmāñ pe parindoñ kā shor hai

manzar koī hasīn sā dikhlā ga.ī hai shaam

barsoñ se chal rahī thī ye mausam ke saath saath

merī galī meñ aan ke sustā ga.ī hai shaam

'sājid' uTho yahāñ se ki mausam udaas hai

sūraj bichhaḌ gayā hai chalo aa ga.ī hai shaam

andhiyare aankh-ankh mein pahna gai hai sham

ek chadar-e-siyah ko phaila gai hai sham

rahon mein kho gai hain mohabbat ki dewiyan

jaise har ek moD pe bahka gai hai sham

maghrib ki samt jab kabhi suraj utar gaya

ghar mein diya jalane chali aa gai hai sham

samton mein baT gae hain ujalon ke ham-nawa

be-samt dekh kar mujhe sahra gai hai sham

jis samt dekhta hun shuaon ke zaKHm hain

kis ki nigah-e-naz se Takra gai hai sham

apne wajud se main bichhaD kar bhaTak gaya

tanhaiyon ke zaKHm se mahka gai hai sham

shahron ke aasman pe parindon ka shor hai

manzar koi hasin sa dikhla gai hai sham

barson se chal rahi thi ye mausam ke sath sath

meri gali mein aan ke susta gai hai sham

'sajid' uTho yahan se ki mausam udas hai

suraj bichhaD gaya hai chalo aa gai hai sham