anjam-e-mohabbat se main begana nahin hun

anjām-e-mohabbat se maiñ begāna nahīñ huuñ

dīvāna banā phirtā huuñ dīvāna nahīñ huuñ

dam bhar meñ jo ho ḳhatm vo afsāna nahīñ huuñ

insān huuñ insān maiñ parvāna nahīñ huuñ

saaqī tirī āñkhoñ ko salāmat rakkhe allāh

ab tak to maiñ sharminda-e-paimāna nahīñ huuñ

ho baar na ḳhātir pe to nāseh kahūñ ik baat

samjhā leñ jise aap vo dīvāna nahīñ huuñ

barbādiyoñ kā ġham nahīñ ġham hai to ye ġham hai

miT kar bhī maiñ ḳhāk-e-dar-e-jānāna nahīñ huuñ

tauba tire dāman pe junūñ-ḳhez nigāheñ

huuñ to magar ab itnā bhī dīvāna nahīñ huuñ

sab kuchh mire saaqī ne diyā hai mujhe 'manzar'

mohtāj-e-mai-o-shīsha-o-paimāna nahīñ huuñ

anjam-e-mohabbat se main begana nahin hun

diwana bana phirta hun diwana nahin hun

dam bhar mein jo ho KHatm wo afsana nahin hun

insan hun insan main parwana nahin hun

saqi teri aankhon ko salamat rakkhe allah

ab tak to main sharminda-e-paimana nahin hun

ho bar na KHatir pe to naseh kahun ek baat

samjha len jise aap wo diwana nahin hun

barbaadiyon ka gham nahin gham hai to ye gham hai

miT kar bhi main KHak-e-dar-e-jaanana nahin hun

tauba tere daman pe junun-KHez nigahen

hun to magar ab itna bhi diwana nahin hun

sab kuchh mere saqi ne diya hai mujhe 'manzar'

mohtaj-e-mai-o-shisha-o-paimana nahin hun