anjuman-saz-e-aish tu hai yahan
anjuman-sāz-e-aish tū hai yahāñ
aur phir kis kī aarzū hai yahāñ
man-o-tū kī nahīñ hai gunjā.ish
harf-e-vahdat kī guftugū hai yahāñ
kaam kyā sham.a kā hai le jaao
dilbar-e-āftāb-rū hai yahāñ
dil meñ apne nahīñ kuchh aur talāsh
ek terī hī justujū hai yahāñ
dast-bosī ko terī ai saaqī
muntazir sāġhar aur subū hai yahāñ
aa shitābī ki hai makān-e-latīf
sair-e-gulzār o āb-jū hai yahāñ
kyā tire ghar meñ raat thā 'bedār'
us gul-andām kī sī bū hai yahāñ
anjuman-saz-e-aish tu hai yahan
aur phir kis ki aarzu hai yahan
man-o-tu ki nahin hai gunjaish
harf-e-wahdat ki guftugu hai yahan
kaam kya shama ka hai le jao
dilbar-e-aftab-ru hai yahan
dil mein apne nahin kuchh aur talash
ek teri hi justuju hai yahan
dast-bosi ko teri ai saqi
muntazir saghar aur subu hai yahan
aa shitabi ki hai makan-e-latif
sair-e-gulzar o aab-ju hai yahan
kya tere ghar mein raat tha 'bedar'
us gul-andam ki si bu hai yahan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
