apna bhi bojh mujhse kahan Thik se uTha
apnā bhī bojh mujh se kahāñ Thiik se uThā
ye saarā mas.ala mirī tashkīk se uThā
vo haal thā ki bas mirā uThnā muhāl thā
lekin phir ek ḳhvāb kī tahrīk se uThā
kāñdhoñ pe tere ābrū-mandī kā bojh hai
ye rāh-e-zindagī hai qadam Thiik se uThā
'kāshif' husain ḳhalq ke uThne kī der thī
ik āftāb gosha-e-tārīk se uThā
'kāshif' husain mujh se mujhe duur le gayā
kyā shor thā ki jo mire nazdīk se uThā
apna bhi bojh mujh se kahan Thik se uTha
ye sara masala meri tashkik se uTha
wo haal tha ki bas mera uThna muhaal tha
lekin phir ek KHwab ki tahrik se uTha
kandhon pe tere aabru-mandi ka bojh hai
ye rah-e-zindagi hai qadam Thik se uTha
'kashif' husain KHalq ke uThne ki der thi
ek aaftab gosha-e-tarik se uTha
'kashif' husain mujh se mujhe dur le gaya
kya shor tha ki jo mere nazdik se uTha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
