apne aansu hain tumhaare nahin ro sakta main
apne aañsū haiñ tumhāre nahīñ ro saktā maiñ
aaj āñkhoñ se sitāre nahīñ ro saktā maiñ
ek taklīf kā dariyā hai badan meñ lekin
baiTh kar is ke kināre nahīñ ro saktā maiñ
maiñ huuñ majzūb mire dil kī haqīqat hai alag
laakh hote hoñ ḳhasāre nahīñ ro saktā maiñ
jism hai ruuh kī hiddat meñ pighalne vaalā
huuñ sharābor sharāre nahīñ ro saktā maiñ
maiñ tamāshā huuñ tamāshā.ī haiñ chāroñ jānib
sharm hai sharm ke maare nahīñ ro saktā maiñ
bad-gumāñ hone lagā hai ye tayaqqun kā jahāñ
mujh ko afsos hai pyāre nahīñ ro saktā maiñ
zarre zarre meñ qayāmat kā samāñ hai 'sāhil'
ek hī dil ke sahāre nahīñ ro saktā maiñ
apne aansu hain tumhaare nahin ro sakta main
aaj aankhon se sitare nahin ro sakta main
ek taklif ka dariya hai badan mein lekin
baiTh kar is ke kinare nahin ro sakta main
main hun majzub mere dil ki haqiqat hai alag
lakh hote hon KHasare nahin ro sakta main
jism hai ruh ki hiddat mein pighalne wala
hun sharabor sharare nahin ro sakta main
main tamasha hun tamashai hain chaaron jaanib
sharm hai sharm ke mare nahin ro sakta main
bad-guman hone laga hai ye tayaqqun ka jahan
mujh ko afsos hai pyare nahin ro sakta main
zarre zarre mein qayamat ka saman hai 'sahil'
ek hi dil ke sahaare nahin ro sakta main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
