apne chehre par kai chehre liye
apne chehre par ka.ī chehre liye
ham baḌe hī pārsā ban kar jiye
raaz ulfat kā chhupāne ke liye
zabt-e-girya bhī kiyā lab bhī siye
jin meñ chaltī haiñ havā.eñ tez tez
aisī rāhoñ meñ jalā.e haiñ diye
jo bhī haiñ is bazm meñ mad.hosh haiñ
aur ye mad.hoshiyāñ haiñ bin piye
aap ne chhoḌe haiñ jo naqsh-e-qadam
vo hamāre haq meñ haiñ raushan diye
ġham ke tūfānoñ kī zad par be-ḳhatar
phir 'jamālī' ne jalā.e haiñ diye
apne chehre par kai chehre liye
hum baDe hi parsa ban kar jiye
raaz ulfat ka chhupane ke liye
zabt-e-girya bhi kiya lab bhi siye
jin mein chalti hain hawaen tez tez
aisi rahon mein jalae hain diye
jo bhi hain is bazm mein madhosh hain
aur ye madhoshiyan hain bin piye
aap ne chhoDe hain jo naqsh-e-qadam
wo hamare haq mein hain raushan diye
gham ke tufanon ki zad par be-KHatar
phir 'jamali' ne jalae hain diye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
