aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

apne hisse mein hi aane the KHasare sare

Imran-ul-haq Chauhan

apne hisse mein hi aane the KHasare sare

Imran-ul-haq Chauhan

MORE BYImran-ul-haq Chauhan

    apne hisse meñ aane the ḳhasāre saare

    dost dost the bastī meñ hamāre saare

    zer-e-lab aah namī aañkh meñ chup chup tanhā

    aise hote haiñ ye dard ke maare saare

    ḳhvāb, ummīd, tamannā.eñ, ta.alluq, rishte

    jaan le lete haiñ āḳhir ye sahāre saare

    tujh ko ik lafz bhī kahne zarūrat kyā hai

    ham samajhte haiñ mirī jaan ishāre saare

    ishq kyā itnā baḌā jurm hai? jis par yāvar!

    dushman-e-jān hue jaan se pyāre saare

    aa.e jab tere muqābil to khulā kuchh bhī nahīñ

    gul-badan māh-jabīñ nuur ke dhāre saare

    haar jiit hai ā.īn-e-vafā se

    ye vo baazī hai jahāñ jiit ke haare saare

    husn ḳhud qaane huā la.al-o-guhar par varna

    ham to aflāk se le aate sitāre saare

    kaun kāfir hai ye jab pūchhā gayā vaa.iz se

    auj-e-mimbar se sadā aa.ī ki saare saare

    Dūbnā likkhā ho taqdīr meñ 'imrran' agar

    aap ban jaate haiñ gardāb kināre saare

    apne hisse mein hi aane the KHasare sare

    dost hi dost the basti mein hamare sare

    zer-e-lab aah nami aankh mein chup chup tanha

    aise hi hote hain ye dard ke mare sare

    KHwab, ummid, tamannaen, talluq, rishte

    jaan le lete hain aaKHir ye sahaare sare

    tujh ko ek lafz bhi kahne ki zarurat kya hai

    hum samajhte hain meri jaan ishaare sare

    ishq kya itna baDa jurm hai? jis par yawar!

    dushman-e-jaan hue jaan se pyare sare

    aae jab tere muqabil to khula kuchh bhi nahin

    gul-badan mah-jabin nur ke dhaare sare

    haar hi jit hai aain-e-wafa ki ru se

    ye wo bazi hai jahan jit ke haare sare

    husn KHud qane hua lal-o-guhar par warna

    hum to aflak se le aate sitare sare

    kaun kafir hai ye jab puchha gaya waiz se

    auj-e-mimbar se sada aai ki sare sare

    Dubna likkha ho taqdir mein 'imrran' agar

    aap ban jate hain gardab kinare sare

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now