apne mahaul se the qais ke rishte kya kya
apne māhaul se the qais ke rishte kyā kyā
dasht meñ aaj bhī uThte haiñ bagūle kyā kyā
ishq me.ār-e-vafā ko nahīñ kartā nīlām
varna idrāk ne dikhlā.e the raste kyā kyā
ye alag baat ki barse nahīñ garje to bahut
varna bādal mire sahrāoñ pe umDe kyā kyā
aag bhaḌkī to dar-o-bām hue raakh ke Dher
aur dete rahe ahbāb dilāse kyā kyā
log ashiyā kī tarah bik ga.e ashiyā ke liye
sar-e-bāzār tamāshe nazar aa.e kyā kyā
lafz kis shaan se taḳhlīq huā thā lekin
us kā mafhūm badalte rahe nuqte kyā kyā
ik kiran tak bhī na pahuñchī mire bātin meñ 'nadīm'
sar-e-aflāk damakte rahe taare kyā kyā
apne mahaul se the qais ke rishte kya kya
dasht mein aaj bhi uThte hain bagule kya kya
ishq mear-e-wafa ko nahin karta nilam
warna idrak ne dikhlae the raste kya kya
ye alag baat ki barse nahin garje to bahut
warna baadal mere sahraon pe umDe kya kya
aag bhaDki to dar-o-baam hue rakh ke Dher
aur dete rahe ahbab dilase kya kya
log ashiya ki tarah bik gae ashiya ke liye
sar-e-bazar tamashe nazar aae kya kya
lafz kis shan se taKHliq hua tha lekin
us ka mafhum badalte rahe nuqte kya kya
ek kiran tak bhi na pahunchi mere baatin mein 'nadim'
sar-e-aflak damakte rahe tare kya kya
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
