apne manzar se juda tha ek din

apne manzar se judā thā ik din

paanī sahrā meñ khaḌā thā ik din

niiñd uḌte hue qālīn pe thī

sāmne shahr-e-balā thā ik din

ka.ī sadiyoñ meñ nahīñ aa.egā

us ne ḳhat meñ jo likhā thā ik din

phir yahī baat na maiñ bhuul sakā

maiñ use bhuul gayā thā ik din

ik masarrat bharā din raakh huā

haath se phuul girā thā ik din

jhilmilātī huī lau yaad karo

koī iz.hār huā thā ik din

aañkh paanī meñ ghirī hai ab tak

jaane kyā us pe banā thā ik din

apne manzar se juda tha ek din

pani sahra mein khaDa tha ek din

nind uDte hue qalin pe thi

samne shahr-e-bala tha ek din

kai sadiyon mein nahin aaega

us ne KHat mein jo likha tha ek din

phir yahi baat na main bhul saka

main use bhul gaya tha ek din

ek masarrat bhara din rakh hua

hath se phul gira tha ek din

jhilmilati hui lau yaad karo

koi izhaar hua tha ek din

aankh pani mein ghiri hai ab tak

jaane kya us pe bana tha ek din