apne mar-miTne ke asbab bahut dekhta hun

apne mar-miTne ke asbāb bahut dekhtā huuñ

'ishq vaalā huuñ tire ḳhvāb bahut dekhtā huuñ

ye bhī hai ek sabab is mirī tanhā.ī kā

apne chāroñ taraf ahbāb bahut dekhtā huuñ

aur to aur tirī yaad se bhī huuñ ġhāfil

maiñ yahāñ ḳhud ko zafar-yāb bahut dekhtā huuñ

kuchh to us husn meñ rakhī hai ḳhudā ne tāsīr

aur kuchh logoñ ko betāb bahut dekhtā huuñ

arsa-e-dahr to hai merī nigāhoñ kā tilism

jab bhī maiñ dekhtā huuñ ḳhvāb bahut dekhtā huuñ

in dinoñ apne ko rakhtā huuñ bahut ḳhud ke qarīb

in dinoñ dahr ko ḳhūñ-nāb bahut dekhtā huuñ

mujh ko marnā hai kisī jhiil sī āñkhoñ meñ 'tūr'

hai yahī vaj.h ki mahtāb bahut dekhtā huuñ

apne mar-miTne ke asbab bahut dekhta hun

'ishq wala hun tere KHwab bahut dekhta hun

ye bhi hai ek sabab is meri tanhai ka

apne chaaron taraf ahbab bahut dekhta hun

aur to aur teri yaad se bhi hun ghafil

main yahan KHud ko zafar-yab bahut dekhta hun

kuchh to us husn mein rakhi hai KHuda ne tasir

aur kuchh logon ko betab bahut dekhta hun

arsa-e-dahr to hai meri nigahon ka tilism

jab bhi main dekhta hun KHwab bahut dekhta hun

in dinon apne ko rakhta hun bahut KHud ke qarib

in dinon dahr ko KHun-nab bahut dekhta hun

mujh ko marna hai kisi jhil si aankhon mein 'tur'

hai yahi wajh ki mahtab bahut dekhta hun