apne wahm-o-guman se nikla
apne vahm-o-gumān se niklā
maiñ añdhere makān se niklā
be-ruḳhī dekh ab zamāne kī
mudda.ā kyuuñ zabān se niklā
samt kā ġham na thā safīne ko
ye alam bādbān se niklā
dhuup barsā rahī thiiñ talvāreñ
phir bhī maiñ sā.ebān se niklā
vaqt mohlat na degā phir tum ko
tiir jis dam kamān se niklā
aa gayā lījiye sāhil-e-hastī
maiñ baḌe imtihān se niklā
zindagī kā nayā mizāj 'niyāz'
dard ke ḳhāndān se niklā
apne wahm-o-guman se nikla
main andhere makan se nikla
be-ruKHi dekh ab zamane ki
muddaa kyun zaban se nikla
samt ka gham na tha safine ko
ye alam baadban se nikla
dhup barsa rahi thin talwaren
phir bhi main saeban se nikla
waqt mohlat na dega phir tum ko
tir jis dam kaman se nikla
aa gaya lijiye sahil-e-hasti
main baDe imtihan se nikla
zindagi ka naya mizaj 'niyaz'
dard ke KHandan se nikla
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
