apni biti hui rangin jawani dega
apnī biitī huī rañgīn javānī degā
mujh ko tasvīr bhī degā to purānī degā
chhoḌ jā.egā mire jism meñ bikhrā ke mujhe
vaqt-e-ruḳhsat bhī vo ik shaam suhānī degā
umr bhar maiñ koī jaadū kī chhaḌī DhūñDūñgī
merī har raat ko pariyoñ kī kahānī degā
ham-safar miil kā patthar nazar aa.egā koī
fāsla phir mujhe us shaḳhs kā saanī degā
mere māthe kī lakīroñ meñ izāfa kar ke
vo bhī maazī kī tarah apnī nishānī degā
maiñ ne ye soch ke bo.e nahīñ ḳhvāboñ ke daraḳht
kaun jañgal meñ lage peḌ ko paanī degā
apni biti hui rangin jawani dega
mujh ko taswir bhi dega to purani dega
chhoD jaega mere jism mein bikhra ke mujhe
waqt-e-ruKHsat bhi wo ek sham suhani dega
umr bhar main koi jadu ki chhaDi DhunDungi
meri har raat ko pariyon ki kahani dega
ham-safar mil ka patthar nazar aaega koi
fasla phir mujhe us shaKHs ka sani dega
mere mathe ki lakiron mein izafa kar ke
wo bhi mazi ki tarah apni nishani dega
main ne ye soch ke boe nahin KHwabon ke daraKHt
kaun jangal mein lage peD ko pani dega
- Book : Karwaan-e-Ghazal (Pg. 482)
- Author : Farooq Argali
- Publication : Farid Book Depot (Pvt.) Ltd (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
