apni danishwari se Darta hun

apnī dānishvarī se Dartā huuñ

jāhiloñ ko salām kartā huuñ

kaisā nādāñ huuñ zindagī meñ bhī

terī chāhat meñ roz martā huuñ

is meñ pastī bhī saath detī hai

jab bulandī se maiñ utartā huuñ

jaane kis vaqt maut aa jaa.e

bas yahī soch kar sañvartā huuñ

mujh ko mahsūs kar ki maiñ tujh se

ḳhushbuoñ kī tarah guzartā huuñ

āsmāñ tak yahīñ se rasta hai

dil kī gahrā.ī meñ utartā huuñ

jab yaqīñ ho chukā ki huuñ 'jāved'

apne hone se ab mukartā huuñ

apni danishwari se Darta hun

jahilon ko salam karta hun

kaisa nadan hun zindagi mein bhi

teri chahat mein roz marta hun

is mein pasti bhi sath deti hai

jab bulandi se main utarta hun

jaane kis waqt maut aa jae

bas yahi soch kar sanwarta hun

mujh ko mahsus kar ki main tujh se

KHushbuon ki tarah guzarta hun

aasman tak yahin se rasta hai

dil ki gahrai mein utarta hun

jab yaqin ho chuka ki hun 'jawed'

apne hone se ab mukarta hun