apni ghairat ke alawa kahin dekhe na gae

apnī ġhairat ke alāva kahīñ dekhe na ga.e

ḳhud se nikle the magar ġhair ke pīchhe na ga.e

tum ko afsos tumheñ Thiik banāyā na gayā

aur ek ham ke abhī chaak pe rakkhe na ga.e

ik sitam ye ke hameñ vasl meñ aayā na sukūñ

ik sitam ye ke tire hijr bhī dekhe na ga.e

sañg us ke to mohabbat meñ salīqe se kaTī

ba.ad us ke bhī badan se ye salīqe na ga.e

tere aane pe kahāñ sar pe uThā lete the ghar

tere jaane pe tire pīchhe darīche na ga.e

us kī ḳhushbū ko bhī ruḳhsat na kiyā jaatā thā

ham se kuchh roz to kapḌe bhī utāre na ga.e

apni ghairat ke alawa kahin dekhe na gae

KHud se nikle the magar ghair ke pichhe na gae

tum ko afsos tumhein Thik banaya na gaya

aur ek hum ke abhi chaak pe rakkhe na gae

ek sitam ye ke hamein wasl mein aaya na sukun

ek sitam ye ke tere hijr bhi dekhe na gae

sang us ke to mohabbat mein saliqe se kaTi

baad us ke bhi badan se ye saliqe na gae

tere aane pe kahan sar pe uTha lete the ghar

tere jaane pe tere pichhe dariche na gae

us ki KHushbu ko bhi ruKHsat na kiya jata tha

hum se kuchh roz to kapDe bhi utare na gae