apni har baat ko aaKHir wahan rad hona hai

apnī har baat ko āḳhir vahāñ rad honā hai

vo jo boleñ unhīñ bātoñ ko sanad honā hai

ik mahal aur banā lo ki havāoñ meñ uḌo

āḳhirī ghar to vo do gaz kī lahad honā hai

aur kuchh roz yūñhī sabr kiye jā ai dil

un ke andāz-e-taġhāful kī bhī had honā hai

sarfarāzī kī sa.ādat hai mire hisse meñ

is taraqqī pe harīfoñ ko hasad honā hai

is na.e daur kī lailā bhī junūñ-pesha nahīñ

lāzima qais ke jazboñ meñ ḳhirad honā hai

saḳht hālāt jo aa.eñ to bharosa rakhnā

us ke darbār se āḳhir ko madad honā hai

she'r kahne kā salīqa to hai lekin 'vāsiq'

ham se shā'ir ko na 'ġhālib' na 'asad' honā hai

apni har baat ko aaKHir wahan rad hona hai

wo jo bolen unhin baaton ko sanad hona hai

ek mahal aur bana lo ki hawaon mein uDo

aaKHiri ghar to wo do gaz ki lahad hona hai

aur kuchh roz yunhi sabr kiye ja ai dil

un ke andaz-e-taghaful ki bhi had hona hai

sarfaraazi ki saadat hai mere hisse mein

is taraqqi pe harifon ko hasad hona hai

is nae daur ki laila bhi junun-pesha nahin

lazima qais ke jazbon mein KHirad hona hai

saKHt haalat jo aaen to bharosa rakhna

us ke darbar se aaKHir ko madad hona hai

she'r kahne ka saliqa to hai lekin 'wasiq'

hum se sha'ir ko na 'ghaalib' na 'asad' hona hai