apni jab wafaon par un ko bad-guman dekha

apnī jab vafāoñ par un ko bad-gumāñ dekhā

ham ne kitnī hasrat se sū-e-asmāñ dekhā

tīliyoñ se Takrā kar kyā kahā havāoñ ne

chauñk kar asīroñ ne sū-e-gulistāñ dekhā

sāz-e-hāl par chheḌā har tarāna-e-māzī

dil ko jab kabhī ham ne mā.il-e-fuġhāñ dekhā

tīrgī ke parde meñ marg-e-tīrgī hai 'hosh'

jab uThā hijāb-e-shab mehr zau-fishāñ dekhā

apni jab wafaon par un ko bad-guman dekha

hum ne kitni hasrat se su-e-asman dekha

tiliyon se Takra kar kya kaha hawaon ne

chaunk kar asiron ne su-e-gulistan dekha

saz-e-haal par chheDa har tarana-e-mazi

dil ko jab kabhi hum ne mail-e-fughan dekha

tirgi ke parde mein marg-e-tirgi hai 'hosh'

jab uTha hijab-e-shab mehr zau-fishan dekha