apni KHushiyon pe to farhat bhi nahin kar sakte

apnī ḳhushiyoñ pe to farhat bhī nahīñ kar sakte

ham to iz.hār-e-masarrat bhī nahīñ kar sakte

hākim-e-vaqt hai ab ḳhud hī madad-gār-e-sitam

us se zulmoñ kī shikāyat bhī nahīñ kar sakte

tum ko maañ baap ne paidā kiyā paalā posā

tum ki maañ baap kī ḳhidmat bhī nahīñ kar sakte

is qadar TuuT ke chāhā thā kabhī ham ne tujhe

ham tujhe chaah ke nafrat bhī nahīñ kar sakte

tum ne zulfoñ meñ kiyā qaid mirī nīñdoñ ko

kyā rihā kar ke ināyat bhī nahīñ kar sakte

itne mānūs haiñ ham terī galī se jānāñ

ham tire shahr se hijrat bhī nahīñ kar sakte

un ko ye zo.am ki vo ḳhud haiñ maballiġh ai 'zakī'

shaiḳh sāhab ko nasīhat bhī nahīñ kar sakte

ham asīrān-e-rivāyat kī ye mushkil hai 'zakī'

ham rivāyat se baġhāvat bhī nahīñ kar sakte

apni KHushiyon pe to farhat bhi nahin kar sakte

hum to izhaar-e-masarrat bhi nahin kar sakte

hakim-e-waqt hai ab KHud hi madad-gar-e-sitam

us se zulmon ki shikayat bhi nahin kar sakte

tum ko man bap ne paida kiya pala posa

tum ki man bap ki KHidmat bhi nahin kar sakte

is qadar TuT ke chaha tha kabhi hum ne tujhe

hum tujhe chah ke nafrat bhi nahin kar sakte

tum ne zulfon mein kiya qaid meri nindon ko

kya riha kar ke inayat bhi nahin kar sakte

itne manus hain hum teri gali se jaanan

hum tere shahr se hijrat bhi nahin kar sakte

un ko ye zoam ki wo KHud hain maballigh ai 'zaki'

shaiKH sahab ko nasihat bhi nahin kar sakte

hum asiran-e-riwayat ki ye mushkil hai 'zaki'

hum riwayat se baghawat bhi nahin kar sakte