apni marzi se kahan apne safar ke hum hain

Nida Fazli

apni marzi se kahan apne safar ke hum hain

Nida Fazli

MORE BY Nida Fazli

    apnī marzī se kahāñ apne safar ke ham haiñ

    ruḳh havāoñ jidhar hai udhar ke ham haiñ

    pahle har chiiz thī apnī magar ab lagtā hai

    apne ghar meñ kisī dūsre ghar ke ham haiñ

    vaqt ke saath hai miTī safar sadiyoñ se

    kis ko mālūm kahāñ ke haiñ kidhar ke ham haiñ

    chalte rahte haiñ ki chalnā hai musāfir nasīb

    sochte rahte haiñ kis rāhguzar ke ham haiñ

    ham vahāñ haiñ jahāñ kuchh bhī nahīñ rasta na dayār

    apne kho.e hue shaam o sahar ke ham haiñ

    gintiyoñ meñ gine jaate haiñ har daur meñ ham

    har qalamkār be-nām ḳhabar ke ham haiñ

    apni marzi se kahan apne safar ke hum hain

    ruKH hawaon ka jidhar ka hai udhar ke hum hain

    pahle har chiz thi apni magar ab lagta hai

    apne hi ghar mein kisi dusre ghar ke hum hain

    waqt ke sath hai miTi ka safar sadiyon se

    kis ko malum kahan ke hain kidhar ke hum hain

    chalte rahte hain ki chalna hai musafir ka nasib

    sochte rahte hain kis rahguzar ke hum hain

    hum wahan hain jahan kuchh bhi nahin rasta na dayar

    apne hi khoe hue sham o sahar ke hum hain

    gintiyon mein hi gine jate hain har daur mein hum

    har qalamkar ki be-nam KHabar ke hum hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites