apni nazar mein hech hai sare jahan ki sair

apnī nazar meñ hech hai saare jahāñ kī sair

dil ḳhush na ho to kis kā tamāsha kahāñ kī sair

ab tak to dekhte rahe joban bahār kā

ā.inda ham kareñge tumhārī ḳhizāñ kī sair

duniyā ke dekhne ke liye aañkh chāhiye

jannat kī sair se hai sivā us makāñ kī sair

kuchh jhūmte haiñ nashshe meñ kuchh haiñ gire paḌe

kuchh aur hī hai mahfil-e-pīr-e-muġhāñ kī sair

kyoñ dekhne lage mirī chashm-e-pur-āb ko

dariyā pe aap kījiye āb-e-ravāñ kī sair

kyoñ aadmī ko ālam-e-bālā kī ho havas

baḌh kar nahīñ zamīn se kuchh āsmāñ kī sair

dillī meñ phuul vāloñ kī hai ek sair 'dāġh'

balde meñ ham ne dekh lī saare jahāñ kī sair

apni nazar mein hech hai sare jahan ki sair

dil KHush na ho to kis ka tamasha kahan ki sair

ab tak to dekhte rahe joban bahaar ka

aainda hum karenge tumhaari KHizan ki sair

duniya ke dekhne ke liye aankh chahiye

jannat ki sair se hai siwa us makan ki sair

kuchh jhumte hain nashshe mein kuchh hain gire paDe

kuchh aur hi hai mahfil-e-pir-e-mughan ki sair

kyon dekhne lage meri chashm-e-pur-ab ko

dariya pe aap kijiye aab-e-rawan ki sair

kyon aadmi ko aalam-e-baala ki ho hawas

baDh kar nahin zamin se kuchh aasman ki sair

dilli mein phul walon ki hai ek sair 'dagh'

balde mein hum ne dekh li sare jahan ki sair