apni surat ko badalna hi nahin chahta main
apnī sūrat ko badalnā hī nahīñ chāhtā maiñ
ab kisī sāñche meñ Dhalnā hī nahīñ chāhtā maiñ
tum agar mujh se mohabbat nahīñ karte na sahī
aisī bātoñ se bahalnā hī nahīñ chāhtā maiñ
yā mire paañv meñ quvvat hī nahīñ hai itnī
yā tirī raah pe chalnā hī nahīñ chāhtā maiñ
suntā rahtā huuñ sadā.eñ tirī dastak kī magar
apne kamre se nikalnā hī nahīñ chāhtā maiñ
ye bhī sach hai ki sambhalnā hai zarūrī merā
ye bhī sach hai ki sambhalnā hī nahīñ chāhtā maiñ
apni surat ko badalna hi nahin chahta main
ab kisi sanche mein Dhalna hi nahin chahta main
tum agar mujh se mohabbat nahin karte na sahi
aisi baaton se bahalna hi nahin chahta main
ya mere panw mein quwwat hi nahin hai itni
ya teri rah pe chalna hi nahin chahta main
sunta rahta hun sadaen teri dastak ki magar
apne kamre se nikalna hi nahin chahta main
ye bhi sach hai ki sambhalna hai zaruri mera
ye bhi sach hai ki sambhalna hi nahin chahta main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
