apni taqdir se baghawat ki

apnī taqdīr se baġhāvat kī

aaj ham ne bhī ik ibādat kī

kaun hai jis ke sar kī khā.eñ qasam

kis ne ham se yahāñ mohabbat kī

aur kyā hai ye ghar kā sannāTā

ek āvāz hai mohabbat kī

ham ko miTnā thā miT ga.e 'nūrī'

chaah meñ ek be-muravvat kī

apni taqdir se baghawat ki

aaj hum ne bhi ek ibaadat ki

kaun hai jis ke sar ki khaen qasam

kis ne hum se yahan mohabbat ki

aur kya hai ye ghar ka sannaTa

ek aawaz hai mohabbat ki

hum ko miTna tha miT gae 'nuri'

chah mein ek be-murawwat ki