apnon ko sanam aise nashad nahin karte

apnoñ ko sanam aise nāshād nahīñ karte

yuuñ chāhne vāloñ par bedād nahīñ karte

manzūr nahīñ hargiz mā'shūq kī rusvā.ī

marte haiñ bhale 'āshiq fariyād nahīñ karte

tū toḌ salāḳheñ gar honā hai rihā taa.ir

sayyād asīroñ ko āzād nahīñ karte

shab vasl kī jān-e-jāñ har roz nahīñ aatī

shikvoñ meñ 'abas shab ye barbād nahīñ karte

din to hai guzar jaatā rozī ke jhameloñ meñ

kis raat magar tum ko ham yaad nahīñ karte

bedād meñ lazzat ho hai ḳhaas ravish un kī

kis din vo 'azāb-e-nau ījād nahīñ karte

paanā hai 'sadā' kuchh to darkār hai jur.at bhī

be-dam kī farishte bhī imdād nahīñ karte

apnon ko sanam aise nashad nahin karte

yun chahne walon par bedad nahin karte

manzur nahin hargiz ma'shuq ki ruswai

marte hain bhale 'ashiq fariyaad nahin karte

tu toD salaKHen gar hona hai riha tair

sayyaad asiron ko aazad nahin karte

shab wasl ki jaan-e-jaan har roz nahin aati

shikwon mein 'abas shab ye barbaad nahin karte

din to hai guzar jata rozi ke jhamelon mein

kis raat magar tum ko hum yaad nahin karte

bedad mein lazzat ho hai KHas rawish un ki

kis din wo 'azab-e-nau ijad nahin karte

pana hai 'sada' kuchh to darkar hai jurat bhi

be-dam ki farishte bhi imdad nahin karte