aql ke dushman bhi hum Thahre dil ka bhi nuqsan kiya

aql ke dushman bhī ham Thahre dil kā bhī nuqsān kiyā

zauq-e-talab kī aaḌ meñ 'hairat' nafs ne kyā hairān kiyā

ḳhalq kiyā hogā aadam ko vāqa.ī hazrat-e-yazdāñ ne

lekin us kā naam batāo jis ne use insān kiyā

raam the maryāda purushottam raam kī bāteñ rahne do

aur batāo is duniyā meñ kis ne kis kā maan kiyā

ham kuchh bhī to nahīñ the lekin aapā yaar burī shai hai

pahroñ apnī yaad meñ ro.e jab bhī terā dhyān kiyā

ab ye takalluf bhī duniyā meñ log kahāñ farmāte haiñ

tū ne pūchhā haal hamārā yaar baḌā ehsān kiyā

dil to isī ḳhātir hotā hai kyā ye tumheñ ma.alūm na thā

'hairat' kyoñ barbādī-e-dil par jī itnā halkān kiyā

aql ke dushman bhi hum Thahre dil ka bhi nuqsan kiya

zauq-e-talab ki aaD mein 'hairat' nafs ne kya hairan kiya

KHalq kiya hoga aadam ko waqai hazrat-e-yazdan ne

lekin us ka nam batao jis ne use insan kiya

ram the maryaada purushottam ram ki baaten rahne do

aur batao is duniya mein kis ne kis ka man kiya

hum kuchh bhi to nahin the lekin aapa yar buri shai hai

pahron apni yaad mein roe jab bhi tera dhyan kiya

ab ye takalluf bhi duniya mein log kahan farmate hain

tu ne puchha haal hamara yar baDa ehsan kiya

dil to isi KHatir hota hai kya ye tumhein malum na tha

'hairat' kyon barbaadi-e-dil par ji itna halkan kiya