are ulTe zamane mujh pe kya sidha sitam laya

are ulTe zamāne mujh pe kyā sīdhā sitam laayā

nayan mere the pī kā ghar so rū-e-hijr dikhlāyā

chaman kā shahr fasl-e-gul meñ jab ābād thā 'uzlat'

sabā ke rañg meñ gul-gasht kar hazz-e-junūñ paayā

jo dekhūñ jā ḳhizāñ meñ haa.e ḳhāristān o patjhaḌ thā

na ġhunche the na gul ne bulbuleñ ne bed kā saayā

bahut se zaaġh o chuġhdoñ kā thā ġhul ġhauġhoñ kā ġhauġhā thā

falak kī jaan ko ro kar maiñ apnā sar le phir aayā

are ulTe zamane mujh pe kya sidha sitam laya

nayan mere the pi ka ghar so ru-e-hijr dikhlaya

chaman ka shahr fasl-e-gul mein jab aabaad tha 'uzlat'

saba ke rang mein gul-gasht kar hazz-e-junun paya

jo dekhun ja KHizan mein hae KHaristan o patjhaD tha

na ghunche the na gul ne bulbulen ne bed ka saya

bahut se zagh o chughdon ka tha ghul ghaughon ka ghaugha tha

falak ki jaan ko ro kar main apna sar le phir aaya